ПРОФЕСИОНАЛИЗМОТ Е НАШИОТ ПРИОРИТЕТ
Чет, 27/4/2023
Во рамките на стручното усовршување на нашиот кадар, во салата на Матичниот објект, од страна на проф. д-р Лена Дамовска (Институт за педагогија, УКИМ, Филозофски факултет, Скопје) се реализира уште една успешна обука на тема: „Професионализмот и квалитетот во предучилишното воспитание и образование“.
Преку интерактивно предавање и работилници, во опуштена и позитивна атмосфера учесниците можеа да слушнат, но и да споделат лични искуства и предлози за успешни промени. На крајот на обуката сите слушатели освен сертификатот добија и книга чиј автор е Професорката, а која е наменета токму за практичарите кои работат во предучилишното образование.
